Lou 19 de mai 2010 lou Parlament de la Generalitat de Catalunya a aprouvà uno resouluciou bèn discutiblo e fantasierouso en favour de la pretendudo « lengo oucitano », mas d'aquel cop s'es pas limità al territòri de sa coumpeténcio, la vau d'Aran ounte se parlo uno varianto di lengo d'o que se souno en realita « l'aranés ».
Li catalan an gausà espandi lour revendicacioun pu luenh e an voutà uno demando per que se countùnie lou traval de « recuperacioun, nourmalisacioun e valourisacioun de la lengo oucitano dins si territòri aministratiéu d'Itàlio e de Franço.
“Amb aquest important gest simbòlic i polític, el Parlament de Catalunya vol encoratjar la ciutat de Tolosa, així com totes les altres ciutats i institucions d'Occitània, a continuar i millorar el treball de recuperació, normalització i dignificació de la llengua occitana en aquells territoris administrativament francesos o italians.”
Dal giornale Avui http://www.avui.cat/cat/notices/2010/05/el_parlament_de_catalunya_aprova...
Acò's espantous de veire amé quanto leugiereso e inhourènço di realita culturalo, soucialo e lenguistico de nòsti territòri aquéli moussuret del Parlament catalan se permétoun de parla.
Bessai que li catalan an lis aurilho e lis uels tampà e que sàboun pas que subre tout lou territòri de la familho dei lengo d'o, i a uno poulemico secularo entre li que deféndoun e valourìsoun li vertadiero lengo d'o e li qu'ensàjoun d'impousa uno ideoulougìo autouritàrio e centralisto per crea uno inesistento e improubablo nacioun dicho « grando oucitànio ».
Chal crèire que sàboun pas qu'en Franço e en Itàlio li mouviment oucitan soun minouritàri e que lou countengù de lour proupagando naciounalisto es pas partejà per li poupulacioun loucalo.
Alouro acò sario mièl que s'infourmèssoun avans de s'esprimi subre aquel sujet. Mai sintoumatico incaro que la gafo del Parlament catalan es la tiero di coumentàri fach per li catalan meme, qu'invìtoun lour Generalitat a se chauta de causo pu gravo e urgento per lour païs, pulèu que de reprendre lis asenado fantasierouso d'àutri.
Coumo aquelo reacioun :
Quin riure, el nostre Parlament. [...]. Quin poder tenim nosaltres per demanar i protegir una llengua, quan prou feina tenim per la nostra ? Quan no sabem fer que respectin la nostra en el parlament foraster de l'estat espanyol? I volen que sigui oficial en els organismes europeus?
Conrad Desvalls i Sanromà (Esplugues de Llobregat) 20.05.10, 07:46”
Traducioun :
« Coumo es ridicule noste parlament. Quante pouder avèn nàutri per demanda de proutegi uno lengo, quand avèn ja proun de traval à faire per la nostro ? quand sèn pas capable de faire respeta nosto lengo al parlament de l'estat espanhòu ? E voulèn que siegue lengo ouficalo al parlament euroupen ? »
Mas subretout amé quanto arrouganço e amé lou permes de quau lou Parlament de Catalounho se chauto de causo que soun de la coumpeténcio d'autre poupulacioun, e s'autrejo lou drech d'aprouva de resoulucioun que vàloun tamben subre de territòri ounte a jes de coumpeténcio ??
Mas coumo lou pople catalan, que patiguè uno oupressioun seculàrio de la part de l'espanhòu, que revendiquè autounoumìo e liberta, coumo pot se permetre de faire un ate fourmal de soun parlament per impousa sa pròpio oupinioun a de poupulacioun d'estat estrangié ?
E vaqui que l'ouprimì se fai oupressour.
Nàutri lis abitants di valado aupenco del Piemount miejournal countunian de parla a « nosto modo » dounc en prouvençal aupen e pas en « oucitan ».
Nouste terro fan part de jes de nacioun « oucitano » e de cap d' « oucitànio ».
Nàutri italian e piemountés de lengo prouvençalo aupenco recounouissen pas à la Generalita de Catalounho ges d'autourita subre nàutri. Acetan pas aquel afrount e refusan un cop de mai de nous vèire sounà « oucitan ». Invitan la Generalitat de Catalounho à presenta sìe escuso li pu sentìo i poupulacioun del sud de la Franço e di valado aupenco prouvençalo, e à elimina sèns tarda del teste de la resoulucioun touto referéncio i poupulacioun del sud de la Franço e di valado aupenco prouvençalo, à elimina sèns tarda de la resoulucioun touto referéncio à de territòri de de poupulacioun subre liqualo a ges de juridicioun e subre li lengo e li culturo diquau a ges de drech de s'esprimi amé d'ate nourmatiéu, quante que siegue lour meno.
Esperan.
Consulta Provenzale / Adunado Prouvençalo